ابو جی کے ساتھ بچپن کی ایک یاد ۔۔ ❤️❤️ A childhood memory with Abu Ji

ابو جی کی وفات کے ایک ماہ بعد یہ میرا امی جی کے گھر کا پہلا چکر ھے ۔۔۔۔۔

جب میں رات کو آئ تو ۔۔۔۔گھر میں مکمل خاموشی تھی ۔۔۔امی باہر ہی واش بیسن پہ کھڑی عشاء کی نماز کے لںےُ وضںو کر رہی تھیں ۔۔۔۔۔امی سے مل کر دل بے حد اداس ھؤا ۔۔۔ رات کو نیند بھی صیحح سے نہیں آئ ۔۔۔۔۔۔۔

فجر کی نماز پڑھ کے کچھ دیر صحن میں بچھی چارپائ پہ ہی لیٹی رہی ۔۔۔۔

پھر باہر دل کو گھبراہںٹ سی ھوئ تو اندر آ گئ ۔۔۔۔سارا گھر ساںُیں ساںُیں کر رہا تھا ۔۔۔

پھر تھوڑی دیر بعد امی جی بھی آ گںُیں ۔۔تو خود کے لںےُ اور امی کے لںےُ ناشتہ بنایا ۔۔۔اور ناشتے کے دوران میں اور امی بیٹھے کچھ دیر ابو جی کی باتیں کرتے رہے ۔۔۔۔

امی پھر گھٹلیاں پڑھنے لگ پڑیں ۔۔۔۔

اور مجھے اچانک سے بے چینی اور گھبراہںٹ شروع ھو گئ۔۔۔اور گھٹن سی ھونے لگی ۔۔۔۔اور یک دم ہی آنکھوں سے آنسوؤں کا سیلاب بہنا شروع ھو گیا ۔۔۔۔۔۔۔

امی سے آنسو چھپاتی پھرتی کبھی ادھر جاؤں تو کبھی ادھر ۔۔۔۔۔کتنی دیر ہی واش روم میں جا کے آنسو ؤں کے سیلاب کو روکنے کی ناکام کوشش کرتی رہی ۔۔۔۔۔

باہر نکل کے پاگلوں کی طرح کبھی ادھر جاؤں تو کبھی اُدھر ۔۔۔۔۔۔۔

ہر سو ابو کی یادیں بکھری ھوئ تھیں ۔۔۔

ڈراںُنگ کا دروازہ کھول کے دیکھا تو ابو صوفے پہ بیٹھے سب کے ساتھ خوش گپیوں میں مصروف تھے۔۔۔

ڈاںُنگ ٹیبل پہ نظر دوڑائی تو ابو بڑے انہماک سے ٹیبل پہ بیٹھے کھانا کھانے میں مصروف تھے ۔۔۔۔۔

پھر لاؤنج میں آ گئ ادھر ابو ٹیبل پہ بیٹھے ۔۔۔کبھی مٹر نکال رہے ہیں ۔۔۔تو کبھی ساگ کاٹ رہے ہیں ۔۔۔۔تو کبھی ٹکیوں کے لںےُ مصالحہ بنا رہے ہیں ۔۔۔۔۔۔

پھر کچن میں گئ تو ۔۔ابو جی نے ایپرن باندھا ھؤا ھے اور ہمارے آنے کی خوشی میں کبھی بریانی بنا رہے ہیں ۔۔کبھی حلیم ۔۔۔۔تو کبھی مچھلی فرائ کر رہے ہیں ۔۔۔۔تو کبھی پاےُ پکا، رہے ہیں ۔۔۔۔۔غرض کچن مختلف کھانوں کی خوشبوؤں سے مہک رہا ھے ۔۔۔۔

اور پھر اچانک ہی ابو جی منظرِ عام سے غاںُب ھو گںےُ ۔۔۔۔

آخر میں گھبرا کے ابو کے کمرے میں گئ تو کمرے میں مکمل سکوت چھایا ھؤا ۔۔۔۔۔

ابو کے بیڈ کے ساںُیڈ ٹیبل پہ ابھی ابو کی بہت ساری چیزیں پڑی تھیں ۔۔۔شوگر چیک کرنے والا آلہ ۔۔بلڈ پریشر چیک کرنے والا آلہ ابو جی کی دواںُیوں والی ڈبیاں ۔۔۔وہ ٹیبل جس پہ ابو جی کھانا کھاتے تھے ۔۔جاےُ نماز ۔۔۔۔۔۔

الماری کھول کے دیکھی تو ابو جی کی کچھ ویسٹ کوٹ لٹک رہی تھیں ۔۔۔۔

دوسری الماری کھولی تو ۔۔ابو جی کے دواںُیوں سے بھرے شاپر ۔۔۔قرآن مجید ۔۔کچھ اسلامی کتابیں ۔۔۔۔تین چار وہ چھریاں جن سے ابو جی فروٹ کاٹ کے کھایا کرتے تھے ۔۔۔۔۔اور بے شمار چیزیں ۔۔۔۔

گویا کہ الماری کیا تھی عمرو عیار کی زیبیل تھی ۔۔۔۔۔جس کی ہر ہر چیز نے جیسے کہ ابو جی کی پوری زندگی کے دکھوں، سکھوں کو اپنے اندر سمویا ھؤا ھو ۔۔۔۔۔

اور پھر آخر میں شوگر چیک کرنے والے آلے کا ڈبہ کھول کے دیکھا تو ۔۔۔۔

کچھ مایوس کن سی تحرریریں لکھ کے رکھی ھوئ تھیں ۔۔۔۔۔۔ان دنوں کی تحریریں جب فالج اٹیک سے ان کی آواز مکلمل بند ھو گئ تھی ۔۔۔۔۔اور وہ اپنے دل کی باتیں کاغذ پہ قلمبند کر لیا کرتے تھے ۔۔ تحرریریں کیا تھیں ۔۔۔گو کہ حسرتیں تھیں ۔۔۔۔ان تحرریروں نے دل چیر کے رکھ دیا ۔۔۔۔۔

کہ کبھی کبھی انسان کتنا ۔۔۔بے بس، لاچار اور مجبور ھو جاتا ھے ۔۔۔کہ اسے اپنے جذبات کو قلم کے ذریعے کاغذ پہ اتارنا پڑتا ھے ۔۔۔۔😥

غرض گھر کی ہر شے جوں کی توں پڑی ۔۔۔۔وہی راتیں وہی دن ۔۔وہی زمین ۔۔وہی آسمان ۔۔

طوطے اپنے پنجرے میں روز کی وہی مستیاں وہی بولیاں بول رہے ہیں ۔۔۔۔

اور ھاں نہیں ہیں تو ابو جی نہیں ھیں ۔۔

         

 🌹ھؤا ھے تجھ سے بچھڑنے کے بعد یہ معلوم کہ تو نہیں تھا تیرے ساتھ ایک دنیا تھی 🌹

       

             ________________________

اور ایک ابو جی کے کمرے میں دیوار پہ لگا کلاک ۔۔۔۔۔۔۔

جو پکار پکار کے کہہ رہا ھے ۔۔۔وقت گزرتا رہا ھے ۔۔۔گزر رہا ھے اور گزرتا رھے گا ۔۔۔۔۔۔

اور آخر کار یہ دنیا فنا ھو جاےُ گی ۔۔۔۔۔۔

نہ ہم رہیں گے نہ تم رہںو گے 

نہ یہ زمیں رھے گی نہ آسماں رھے گا ۔۔۔۔

بس اللّٰہ سے یہ دعا ھے کہ ۔۔۔اللّٰہ ھمارا خاتمہ ایمان بالخیر کرے ۔۔۔۔آمین ثم آمین ۔۔۔۔۔

اللّٰہ ابو جی سمیت جتنے بھی مسلمان اس دنیا سے جا چکے ہیں ۔۔۔۔۔سب کی مغفرت کرے آمین ۔۔۔۔۔

#نورین_صادق

ابو جی کے ساتھ بچپن کی ایک یاد